Bakı. 29 noyabr. REPORT.AZ/ "Azərbaycan xarici işlər nazirlərinin "münaqişə tərəflərindən 2 nazir və ATƏT-in həmsədr ölkələrinin 3 XİN başçısı" formulu ilə Hamburq görüşündə iştirak etməyə hazırdır".
"Report" xəbər verir ki, bunu ATƏT XİNŞ-in Hamburqdakı iclasında mümkün görüşü şərh edərkən Azərbaycan xarici işlər naziri Elmar Məmmədyarov deyib.
Qeyd edək ki, ATƏT Xarici İşlər Nazirləri Şurasının (XİNŞ) 23-cü iclası bu il dekabrın 8-9-da Almaniyanın Hamburq şəhərində keçiriləcək.