Bakı. 22 dekabr. REPORT.AZ/ Rusiya prezidenti Vladimir Putin Yeni ili ənəvi olaraq öz yaxınları, doğmaları ilə qarşılayacaq.
"Report" bildirir ki, bu barədə prezidentin mətbuat katibi Dmitri Peskov "MİR" telekanalına müsahibəsində bildirib.
O, qeyd edib ki, dövlət başçısı Yeni il gecəsini, rusiyalılara tele-müraciətini izləyəcək.
"Prezident Yeni ili hamı kimi, ənənəvi olaraq, yaxınları, dostları ilə birlikdə qeyd edəcək" – deyə Dmitri Peskov Vladimir Putinin 2017-ci ili necə qeyd edəcəyi barədə suala cavabında deyib.
"Prezident özünün televiziya vasitəsilə xalqa müraciətini izləyəcəkmi?" – sualını Peskov "Əlbəttə, mən buna əminəm" - deyə cavablandırıb.
