Bakı. 17 yanvar. REPORT.AZ/ Braziliya prezidenti Mişel Temer həddindən yüklənən həbsxanaların işinin asanlaşdırılması üçün ölkədə təqribən 30 yeni penitensiar müəssisə tikmək niyyətindədir.
"Report" "Reuters"ə istinadən xəbər verir ki, yeni türmələrin inşasına 300 milyon dollardan çox vəsait ayrılacaq.
Onlardan beşi ən yüksək müdafiə sisteminə malik olacaq. Burada ən təhlükəli cinayətkarlar, o cümlədən bir-biri ilə ədavətdə olan narkotik alver ilə məşğul olan qruplaşmaların üzvləri saxlanılacaq.
Bu qərar həbsxanaların ikiqat yükləndiyi Braziliyada penitensiar sistem böhranının həlli üzrə təcili tədbirlərin biridir.