Bakı. 5 iyun. REPORT.AZ/ Azərbaycanlı FİFA referisi Ömər Paşayev ilk beynəlxalq təyinat alıb. "Report"un AFFA-nın rəsmi saytına istinadən verdiyi məlumata görə, gənc baş hakim 21 yaşadək futbolçulardan ibarət komandalar arasında Avropa çempionatının seçmə mərhələsi çərçivəsində Belarus və San Marino arasında keçiriləcək görüşü idarə edəcək.
Ona Namiq Hüseynov və Mübariz Haşımov kömək edəcəklər. 4-cü hakim funksiyasını Rəhim Həsənov yerinə yetirəcək.
Qeyd edək ki, oyun iyunun 7-də Minskdə keçiriləcək.
