Türkiyə 4 ədəd yeni nəsil F-35 hərbi qırıcı təyyarə alacaq.
ANS PRESS-in məlumatına görə, bu barədə ölkənin baş naziri Əhməd Davutoqlu bildirib.
O vurğulayıb ki, bundan əvvəl 2 hərbi təyyarə sifariş edilib, hərbi hava qüvvələri texnikasının sayını artırmaq üçün daha 4 qırıcı təyyarə sifariş olunacaq.
Bundan başqa, CH-47F markalı 6 vertolyotun alınması nəzərdə tutulur ki, bu tip helikopterlərin ümumi sayı 11-ə çatdırılacaq.
Xatırladaq ki, dünyanın ən cüclü ordusu siyahısında 6-cı yeri tutan Türkiyə Silahlı Qüvvələrinin şəxsi heyəti 660 min nəfərdir. Hərbi texnikanın sayı 70 min, dəniz texnikası 265, aviasiya 1940 ədəddir. Ordunun büdcəsi isə 25 milyard ABŞ dolları təşkil edir.
