Bakı. 22 yanvar. REPORT.AZ/ Ermənistan prezdenti Serj Sarqsyan Fransaya işgüzar səfərə gedib.
“Report” Ermənistan KİV-inə istinadən xəbər verir ki, o, Fransa Senatın sədri Jerar Larşe, parlamentin aşağı palatası olan Milli Assambleyanın sədri Fransua de Rüji, eləcə də Fransa-Ermənistan parlament dostluq qrupunun üzvləri ilə görüşüb.
S.Sarqsyan yanvarın 23-də fransalı həmkarı Emmanuel Makronla görüşəcək.
Qeyd edək ki, S.Sarqsyan yanvarın 24-də Strasburqda Avropa Şurası Parlament Assambleyasının (AŞPA) qış sessiyasında iştirak edəcək. O, sessiyada çıxış edəcək və deputatların suallarını cavablandıracaq.