Lənkəran. 14 fevral. REPORT.AZ/ Fevralın 5-i Lənkəran rayonunun Jidi kəndi ərazisindən keçən yolun torpaq qatı sürüşüb.
"Report"un Cənub bürosu yerli sakinlərə istinadən xəbər verir ki, həmin hadisədən bir həftədən çox vaxt keçməsinə baxmayaraq, yolda bərpa işləri aparılmayıb.
Sakinlərin istifadəsi üçün alternativ yol çəkilsə də, bu yoldan da istifadə etmək onun palçıqlı olması səbəbindən çətinləşib.
Bu yoldan həmçinin Gəgiran kəndinin sakinləri də istifadə edirlər.
