Azərbaycan, Bakı, 23 aprel /Trend/
Türkiyənin Konya şəhərində 5-ci beynəlxalq “Uşaq İdman Oyunları” yarışı sona çatıb.
Gimnastika Federasiyasından Trend-ə bildirblər ki, ölkəmizi bu yarışlarda kişi idman gimnastikası üzrə balaca idmançılarımız təmsil edib. Azərbaycan gimnastları 2 qızıl, 2 gümüş və 1 bürünc medal əldə ediblər.
Səməd Məmmədli sərbəst hərəkətlərdə və dəstəli at üzərində həərkətlərə görə yüskək xal qazanaraq, komanda hesabına 2 qızıl medal yazdırdı. Onun hesabında həmçinin, parallel qollarda hərəkətlərə görə gümüş medal da oldu. Digər gümüş medalı sərbəst hərəkətlərdə fərqlənən Mənsum Səfərov əldə etdi.
Komanda hesabında Azərbaycan 3-cü yerdə qərarlaşdı. Birinci yerdə qonşu Türkiyə, ikinci yerdə isə Bolqarıstan idmançıları oldu.
Məqalə müəllifi ilə əlaqə ünvanı: agency@trend.az
Bizi Twitter-dən izləyin: @trend_az
