[ 23 Aprel 2015 16:41 ]
Az miqdarda baş vermə halı ilə bağlı cəzalar yüngülləşdirilir, xeyli miqdarda törədilməsi ilə bağlı isə cəzalar sərtləşdirilir.
illi Məclisdən APA-ya verilən məlumata görə, bununla bağlı Cinayət Məcəlləsinin 194-cü maddəsinə (Cinayət yolu əldə edildiyini bilə-bilə pul vəsaitlərini və ya digər əmlakı əldə etmə, onlara sahiblik və ya onlardan istifadə etmə, yaxud sərəncam vermə) əlavə və dəyişiklik təklif olunur.
Maddənin birinci hissəsinə təklif olunan dəyişikliyə əsasən, qabaqcadan vəd etmədən cinayət yolu ilə əldə edildiyini bilə-bilə pul vəsaitləri və ya digər əmlakı əldə etmə, onlara sahiblik və onlardan istifadə etmə, yaxud onların əldə edilməsinin həqiqi mənbəyini gizlətmədən onlara sərəncam vermə məsuliyyətindən 4 ilədək azadlıqdan məhrum etmə cəzası, mətndən isə “xeyli miqdarda” sözləri çıxarılır. Bu cinayətin cəzası yalnız min manatdan 3 min manata qədər cərimə olacaq.
Bundan başqa, maddəyə yeni bənd (1-1) əlavə edilir: Eyni əməllər xeyli miqdarda törədildikdə, 5 min manatdan 7 min manata qədər cərimə və ya 3 ilədək müddətə azadlıqdan məhrum etmə cəzası tətbiq edilir.
Layihədə əlavə və dəyişikliyin əsaslandırılması da verilib. Qeyd olunub ki, təklif olunan dəyişiklər 2003-cü il 1 mart və 13 may tarixlərdə “Cinayət fəaliyyətində əldə edilən gəlirlərin leqallaşdırılması, aşkar olunması, götürülməsi və müsadirə olunması haqqında” Avropa Konvensiyasının təsdiq edilməsi barədə və “transmilli mütəşəkkil cinayətkarlığa qarşı” BMT-nin Konvensiyasının təsdiq edilməsi barədə Azərbaycan respublikası qanunlarının tətbiqi ilə əlaqədardır və qanunvericiliyimizin həmin Konvensiyalara uyğunlaşdırmaq məqsədi daşıyır.
Layihə Milli Məclisin plenar iclasına tövsiyə olunub və aprelin 28-də müzakirəyə çıxarılacaq.
