Bakı, 23 aprel, AZƏRTAC
Belarus Yazıçılar İttifaqı Azərbaycanın bu ölkədəki səfiri İsfəndiyar Vahabzadəni “Belarus ədəbiyyatı sahəsində göstərdiyi böyük xidmətlərinə görə” medalı ilə təltif edib.
Səfir İ.Vahabzadə dəfələrlə Belarus ədəbiyyatı ilə bağlı yazılar dərc etdirib, bu ölkənin ədəbiyyatında iz qoymuş bir sıra görkəmli yazıçı və şairlərin (Yanka Kupala, Maksim Baqdanoviç, Maksim Tank və s.) əsərləri ilə bağlı araşdırmalar aparıb, tərcümələr edib.
Azərbaycanda vaxtilə təsis edilmiş “Qızıl qələm” mükafatına bərabər olan bu medal səfirə rəsmi şəxslərin iştirakı ilə təqdim edilib.