RTV (Region TV) xəbər verir ki, bu gün Quba Olimpiya Kompleksində qarşılaşma öncəsi mətbuat konfransı keçirilib. Bu komandamızın qrup mərhələsində sonuncu görüşü olacaq. Klublar arasında 5 çəki dərəcəsində 4 döyüş keçiriləcək. 4 xalla qrupun aşkar autsayderi olan Argentina təmsilçisi ilə matçda Albert Səlimov rinqə çıxmayacaq.Aprelin 25-də Quba Olimpiya Kompleksində Ümumdünya Boks Seriyasının XIV turu çərçivəsində “Baku Fires” “Argentina Condors” klubu ilə qarşılaşacaq
Rio-de-Janeyro Olimpiadasına lisenziyanı təmin etdiyindən məşqçilər təcrübəli boksçuya istirahət verməyi qərara alıblar. Onun əvəzinə gənc Nəsrəddin Məmmədov Ümumdünya Boks Seriyasında debüt edəcək. Həmyerlimiz bu mövsüm 4 döyüşdə məğlub olan Nunyezlə üz-üzə gələcək. 13 qarşılaşmadan sonra “Baku Fires” 29 xalla B qrupunda 2-ci yeri tutur.
Qrupda ikinci yeri özünə təmin edən komandamız pley-offda A qrupunda 3-cü olan klubla qarşılaşacaq. Hazırda Ukrayna komandası 27 xalla A qrupunun 3-cüsüdür. Aktivində 25 xalı olan meksikalılar isə 4-cü yerdə qərarlaşıb. Quba Olimpiya İdman Kompleksində keçirilən yarışa sabah saat 19:00-da start veriləcək.
Milli.Az