Tarixi mənbələrə əsasən rəbiul-əvvəlin 20-si Calut ordusunun məhv edilməsi və Hz. Davudun (ə) qələbə qazandığı gündür.
Qurani Kərim özündə əxlaqi və şəri hökümlərlə bərabər tarixi mövzuları da əks etdirir.
Bu mözulardan biri də Calutun tarixçəsidir. Calutun adı Quranda 3 dəfə çəkilmişdir. O zalim və düşmən kimi xatırlanır.
Calutun adı Bəni-İsrail qövmu ilə birgə çəkilir. Xususən də Talutla və Davud (ə) peyğəmbərlə döyüşləri xatırlanır.
Diqqət etsək görərik ki, Bəni İsrailin daima peyğəmbəri olub, hər zaman başlarının üstündə bir peyğəmbər rəhbərlik edib. Onlar da bu peyğəmbərlərin hesabına müxtəlif imtiyazlar əldə ediblər. Bu imtiyazlardan biri də hər zaman başlarının üzərində bir rəhbər peyğəmbərin olması idi.
Milli.Az islaminsesi.info-ya istinadən bildirir ki, lakin bütün bunlara baxmayaraq onlar həmişə uğur qazana bilmirdilər. Bəzən Allah Taala onları cəzalandırırdı. Məsələn Misir fironunun onların kişilərini öldürüb, qadınlarını sağ buraxması kimi:
(Ey İsrail oğulları! Yadınıza gətirin o vaxtı ki) Firon əhli sizə (babalarınıza) ən ağır işgəncələr verdikləri, oğlan uşaqlarınızı boğazlayıb, qadınlarınızı (kəniz etmək məqsədilə) sağ buraxdıqları zaman Biz sizi onların əlindən xilas etdik. Bunlarda (sizdən ötrü) Rəbbiniz tərəfindən böyük bir imtahan var idi. (Bəqərə-49)
Calut da demək olar ki , Bəni İsrailin başının bəlası idi. Tarixi mənbələrdə onu Misir və Şam arasında qüdrətli bir hökümdar kimi vəsf edirlər. Calut Bəni İsraillə dəfələrlə müharibə etmiş, onları qarət etmişdi. Xüsusən də Musa (ə) peyğəmbərdən qalan, Allahın Qurani Kərimdə "Tabut" adlandırdığı əmanəti əllərindən almışdı. Bəni İsrail qövmü də zəmanə peyğəmbərləri Samuel (ə) adlı peyğəmbərlərinə şikayət edir, döyüşmək üçün Allahdan yardım istəyirlər.
Samuel (ə) Talut adlı sərkərdəni onlara rəhbər təyin edir və Calutla döyüşə göndərir. Tarixi araşdırmalara görə hadisə indiki Fələstin ərazilərində baş verib. Döyüş əzmi olmayan qövm Caluta məğlub olmaq üzrə ikən Allah Taala Hz. Davudun (ə) əli ilə Calutun sonunu gətirir. Beləcə Bəni İsrail Calut üzərində qələbə qazanır. Bu hadisə Qurani Kərimdə belə vəsf edilir:
Onlar Calut və əsgərləri ilə qarşılaşdıqları zaman dedilər: 'Ey Rəbbimiz, bizə çoxlu səbr və dizimizə (ayaqlarımıza) qüvvət ver! Bizə kafir qövm üzərində qələbə qazandır!'
Nəhayət, onlar Allahın izni (iradəsi və köməyi) ilə Calutu və qoşununu məğlub etdilər. Davud Calutu öldürdü. Allah Davuda həm hökmranlıq, həm də hikmət (peyğəmbərlik) verdi (Bəqərə 249-250)
Milli.Az
