Futbol üzrə Azərbaycan Milli Komandası rəqib problemi ilə üzləşib.
Publika.az xəbər verir ki, xorvatiyalı mütəxəssis Nikola Yurçeviçin rəhbərlik etdiyi komandaya Slovakiya və Macarıstanla keçirəcəyi yoldaşlıq görüşlərindən əvvəl hazırlıq matçı üçün rəqib tapılmayıb.
Lakin AFFA problemdən çıxış yolunu unikal şəkildə tapıb. Belə ki, millimiz Slovakiya və Macarıstandan əvvəl Milan Obradoviçin çalışdırdığı U-21 komandamızla qarşılaşacaq.
Görüş iyunun 1-də Mərdəkan qəsəbəsindəki "Dalğa Arena”da keçiriləcək.
Qeyd edək ki, daha əvvəl bu qarşılaşmalar ərəfəsində millinin xarici ölkələrdən birində toplanış keçirəcəyi, ortabab komandalardan biriylə gücünü sınayacağı deyilirdi. Lakin sonradan AFFA bu fikirdən imtina edib.
