Mingəçevir, 10 may, AZƏRTAC
Ulu öndər Heydər Əliyevin anadan olmasının 92-cı ildönümü münasibətilə Mingəçevir Turizm Kollecində “Heydər Əliyev–Azərbaycanın əbədi tərəqqisinin banisi” mövzusunda elmi-nəzəri konfrans keçirilib.
AZƏRTAC xəbər verir ki, konfransda çıxış edənlər müstəqil Azərbaycanın memarı və qurucusu Heydər Əliyevin zəngin və çoxşaxəli fəaliyyətindən, ölkənin inkişafındakı xidmətlərindən bəhs ediblər.
Konfransda “Heydər Əliyev və Azərbaycanda ali təhsilin inkişafı tendensiyaları”, “Azərbaycanda tarix elminin inkişafında və tarixi irsin qorunmasında Heydər Əliyev fenomeninin rolu” mövzusunda məruzələr dinlənilib, Ulu Öndər Heydər Əliyevə həsr edilən film və kompozisiya nümayiş olunub.
