Bakı – APA. Bakı-2015 Avropa Oyunlarına qarşı qarayaxma kampaniyası Türkiyənin TRT kanalının da diqqət mərkəzindədir.
TRT Bakı təmsilçiliyindən APA-ya verilən məlumata görə, TRT AVAZ kanalında yayıma başlayan “7 Gün” verilişinin bu həftə mövzusu “I Avropa Oyunlarına qarşı çirkin oyunlar və həqiqətlər” olacaq.
Proqramda I Avropa Oyunlarının bütün detallarından bəhs olunacaq, qarayaxma kampaniyasına baxmayaraq, Azərbaycanın ilk Avropa Oyunlarına uğurla ev sahibliyi edəcəyi vurğulanacaq.
Qeyd edək ki, mayın 17-də Bakı saatı ilə 17.20-də TRT AVAZ telekanalında yayımlanacaq proqramın qonaqları professor Elman Nəsirli, dosent Araz Aslanlı və TRT Bakı Təmsilçiliyinin müxbiri Selim Toprak olacaq.