“Liverpul”un heyətinin dəyəri məlum olub.
Publika.az xəbər verir ki, Mersisayd təmsilçisinin heyətinin dəyəri 2,15 milyard avrodur. Bu barədə “Forbes” nəşri məlumat yayıb.
Almaniyalı mütəxəssis Yurgen Klopp “Liverpul”a gəldiyi zaman – 2015-ci ildə komandanın heyətinin dəyəri 423 milyon avro idi. 5 ildə “Liverpul”un heyətinin dəyəri 500 faizdən çox artıb.
“Forbes” nəşri Mersisayd təmsilçisinin futbolçusu Endryu Robertsonun dəyərinin tez bir zamanda artmasını da misal göstərib. Belə ki, 25 yaşlı müdafiəçi 2017-ci ildə 9,4 milyon avro idisə, indi bu rəqəm 80 milyondur. “Liverpul” hazırda Premyer Liqada 61 xalla liderdir.
