SARS-CoV-2 virusunda QİÇS-ə yol açan parçalar tapılıb.
Publika.az xəbər verir ki, bunu Nobel mükafatçısı fransız viroloq Luk Montaqnayer iddia edib.
Professorun sözlərinə görə, bu, virusun laboratoriyada yaradılmış ola biləcəyinin isbatıdır: “Araşdırmalarımızda koronavirusun dəyişdirildiyi nəticəsinə gəldik. Yarasadan yoluxan klassik bir virus modeli var. Bu modelin üzərinə isə QİÇS hissəcikləri əlavə olunub”.
Montaqnayer bildirib ki, bu dəyişikliyi etməkdə məqsəd yeni virusu QİÇS-ə qarşı peyvənd hazırlamaq ola bilər.
Qeyd edək ki, virusun təbii yolla deyil, laboratoriyada yaradıldığı və yayıldığına dair fikirlər dünya ictimaiyyətində şübhə ilə qarşılanır.
Zümrüd
