Qırğız Respublikasında koronavirusa yoluxanların sayı 631-ə çatıb.
“Report” “RİA Novosti”yə istinadən xəbər verir ki, məlumatı ölkənin COVID-19-a Qarşı Mübarizə Qərargahı yayıb.
Son sutkada 5 tibb işçisi olmaqla daha 19 nəfər koronavirusa yoluxub. Bununla da ölkədə virus daşıyıcısı olan tibb işçilərinin sayı 162-yə çatıb.
Qırğız Respublikası hüquq-mühafizə orqanlarının 12 əməkdaşı da koronavirusa yoluxub.
Ölkədə 8 nəfər bu virusun qurbanı olub.