İtaliyanın "Yuventus" klubunun futbolçusu Paulo Dibalanın 5-ci koronavirus testi də pozitiv çıxıb.
Metbuat.az xəbər verir ki, bu barədə klubdan açıqlama verilib. Bildirilib ki, Dibalada koronavirusun hər hansı əlamətləri müşahidə edilmir. Həmçinin birlikdə virusa yoluxduqları sevgilisi Oriana Sabatininin də testi 5-ci dəfə pozitiv çıxıb.
Klubdan yayımlanan açıqlamada Daniele Ruqani və Bleys Matuidinin testlərinin neqativ çıxdığı qeyd edilib.
