İstedadlı gənc müğənni 11 yaşlı Kamilla Məmmədzadə Azərbaycanı Dubayda keçirilən "Little Miss & Mister United World" adlı beynəlxalq mədəniyyət və talant festivalında təmsil edəcək.
Müsabiqə 25-30 Mart tarixlərində EXPO-2020 Dubai sərgi çərçivəsində baş tutacaq.
Sayca 20-ci beynəlxalq festivalda Azərbaycan, Gürcustan, Qazaxıstan, Ukrayna, Amerika Birləşmiş Ştatları, Böyük Britaniya, Fransa, Almaniya, Malayziya, Monqolustan, Şri-Lanka, Hindistan, Livan, Kenya, Uqanda və digər ölkələrdən 4-16 yaş arasında olan 70-dən çox iştirakçı qatılıb. Ölkəmizi beynəlxalq layihələrdə layiqincə təmsil edən Kamila Məmmədzadə bu festivalda "Dance" ("Rəqs") mahnısı ilə çıxış edəcək.
Kamilla belə bir müsabiqədə iştirak etdiyi üçün sevindiyini qeyd edib:"Festivala ciddi hazırlaşıram. Çalışacam istədiyim hədəfə nail olum. Sevinirəm ki, Azərbaycanı belə bir möhtəşəm müsabiqədə təmsil edəcəm".
Qeyd edək ki, vokal musiqi təhsilinə yiyələnən Kamilla Məmmədzadə 2021-ci ildə Türkiyədə keçirilən “Golden Star Kids International” beynəlxalq yarışmasının qalibi olmaqla yanaşı, layihənin Qran-prisini də qazanıb. Bununla yanaşı, Kamilla 23 Mart tarinxdə Four Seasons otelində keçiriləcək "Global Woman Awards" layihəsinin nominantları sırasında yer alır.
