Ümumdünya Səhiyyə Təşkilatı (ÜST) bildirir ki, hələlik meymunçiçəyinin Afrikadan kənarda intensiv yayılaraq pandemiyaya çevriləcəyinə görə narahatlığa əsas yoxdur.
Metbuat.az-ın məlumatına görə, qurumun meymunçiçəyi üzrə baş eksperti Rozamund Levis bildirib ki, hələlik pandemiyaya görə narahat olmağa dəyməz:
"Bu xəstəliyin qarşısını geniş yayılmadan almaq mümkündür”,- deyə o qeyd edib.
Qeyd edək ki, aprel və may aylarında Qərbi Avropanın bir sıra ölkələrində yayılan meymunçiçəyi virusu Afrikanın mərkəzində və qərbində rütubətli tropik meşələrdə rast gəlinən nadir xəstəlik növüdür.
Mayın 7-də Britaniyada ilk dəfə üzə çıxdıqdan sonra dünya üzrə 400-dək yoluxma faktı qeydə alınıb. Cari ilin may ayında Nigeriyada ən azı bir nəfər meymunçiçəyi xəstəliyindən ölüb.
