Qərbi Afrika ölkəsi Syerra Leonenin futbol üzrə 1-ci liqasında qeydə alınan iki böyük hesablı oyunun nəticəsi ləğv edilib.
Metbuat.az xəbər verir ki, “Kahunla Rangers” - “Lumbebu United” arasındakı oyun 95:0 hesabı ilə bitib. Həmin liqadakı Gulf FC” - “Koquima Lebanon” arasındakı oyun isə 91-1 hesabı ilə bitib. Futbol federasiyası oyun alqı-satqısı şübhəsi ilə hər iki oyunun nəticəsini ləğv edib. Maraqlısı budur ki, həmin oyunların birinci hissələri 2:0 və 7:1 hesabı ilə bitib. Federasiya rəhbəri nəticələri “utancverici” adlandırıraraq, oyun alqı-satqısında iştirak edənlərin polisə təslim ediləcəyini ifadə edib.
“Lumbebu United” rəhbərliyi məsuliyyəti rəqibin üzərinə atıb. “Koquima Lebanon” rəhbərliyi isə “dostluq” oyunu olduğunu irəli sürərək, hesabın normal olduğunu ifadə edib.
