Dünyanın ən zəngin iş adamlarından olan İlon Mask yenə də gündəmdədir.
Metbuat.az xəbər verir ki, milyarder iş adamı bu dəfə itirdiyi sərvətlə “Ginnesin Rekordlar Kitabı”na düşüb. Məlumata görə, 2021-ci ildən bəri təxminən 200 milyard dollar itirən Mask “Ginnes” tərəfindən "tarixdə şəxsi sərvətini ən çox itirən şəxs" elan edilib. Əvvəlki rekord 2000-ci ildə 58 milyard dollar idi. Məlumata görə, Maskın sərvəti 2021-ci ilin noyabrında 340 milyard dollar təşkil edib. Lakin Tesla şirkətinin səhmləri keçən il orta hesabla 65 faiz aşağı düşərək kəskin şəkildə ucuzlaşıb.
Bu azalma Mask 2022-ci ilin oktyabrında tvitteri aldıqdan sonra daha da sürətlənib. Bununla da, Elon Mask “dünyanın ən varlı adamı” titulunu itirib. Hesablamalara görə, Maskın sərvəti hazırda 144 milyard dollar civarındadır.