"Azərbaycanda benzinin qiymətinin artması dünya bazarından aslı deyil. Aİ-92 və dizel markalı benzinin qiymətləri Tarif Şurası tərəfindən tənzimlənir, onların qərarından asılıdır".
Bu sözləri Metbuat.az-a açıqlamasında iqtisadçı ekspert Natiq Cəfərli deyib.
Ekspert bildirib ki, neftin qiyməti baha da olsa, ucuz da olsa, Nazirlər Kabinetinin verdiyi qərarla benzinin qiyməti tənzimlənir:
"Ona görə də, neftin qiymətində hansısa dəyişikliyin baş verməsinin dünya bazarında baş verən proseslərlə birbaşa əlaqəsi yoxdur. Bizə təsir edən Aİ-95 və Aİ-98 markalı benzinin qiymətləridir. Onların dünya bazarında qiyməti artdıqca, Azərbaycanda da qiymət artır. Çünki bu dövlət tərəfindən tənzimlənmir. SOCAR tərəfindən gətirilir və ölkədə satılır. Amma hal-hazırda Aİ-95-və Aİ-97 markalı benzinin də artmasına səbəb yoxdur".
Seyranə Quliyeva / Mətbuat.az
