"La Liqa"da "Real Madrid" Kilian Mbappenin qolları ilə "Real Betis"i məğlub edib.
Metbuat.az bildirir ki, Karlo Ançelottinin komandası ikinci hissədə vurduğu qollarla qalib gəlib. "Real Madrid"in qollarını 67 və 75-ci dəqiqələrdə Kilian Mbappe vurub.
Yay transfer pəncərəsində "Real Madrid"ə keçən Kilian Mbappe yeni komandası ilə ilk qolunu UEFA Superkubokunda "Atalanta" ilə matçda vurub. "La Liqa"da ilk 3 matçı qol vurmadan keçən Mbappe liqada ilk dəfə bu oyunda fərqləndi.
"Real Madrid"in türk futbolçusu Arda Gülər bu oyunda meydana çıxmayıb. Karlo Ançelotti matçda 4 dəyişiklik etsə də, Ardaya yer verməyib.
