"Simurq" - "Astra" matçının saatı açıqlandı

"Simurq" - "Astra" matçının saatı açıqlandı
00:27 21 Yanvar 2015
178 İdman
Ölkə mətbuatı
A- A+

Antalyada qış təlim-məşq toplanışında olan "Simurq" ötən gün hazırlıq proqramına əsasən iki məşqə çıxıb. Fanat.az xəbər verir ki, səhər məşqindən öncə baş məşqçi Georgi Çixradze bütün futbolçuları ətrafına yığaraq 20 yanvar tarixinin Azərbaycan xalqının hüzn günü olduğunu bildirib və qeyd edib ki, 1990-cı il yanvarın 19-dan 20-nə keçən gecə Sovet ordusu Bakı şəhərinə daxil olaraq, dinc əhalini vəhşicəsinə gülləbaran edib. Bundan sonra bir dəqiqəlik sükutla şəhidlərimizin xatirəsi yad edilib.

Səhər məşqi qaçış və isinmə hərəkətləri ilə başlayıb. Fiziki hazırlıq üzrə məşqçi Aleksandar Karakliçin rəhbərliyi altında fiziki gücün artırılmasından ibarət tapşırıqlar yerinə yetirildikdən sonra futbolçular iki qrupa bölünüb və baş məşqçinin tapşırığı əsasında taktiki tapşırıqlar yerinə yetirilib. Çalışmalarda ayaqlarında yüngül ağrılar hiss edən Marko Stanoyeviç və Əli Gökdəmir iştirak etməyib.

Yerli vaxtla saat 17.00-da start götürən axşam məşqində isə bütün futbolçular iştirak edib. Qaçış və isinmə hərəkətlərindən sonra üç qrupa bölünərək "kvadrat" oynanılıb. Çalışmanın növbəti hissəsində isə səhər məşqində verilən taktiki tapşırıqların həyata keçirilməsindən ibarət ikitərəfli oyun keçirilib. Çalışmalar tamamlandıqdan sonra futbolçular istirahətə yollanıb.

"Simurq" bu gün Antalya toplanışı çərçivəsində növbəti yoxlama görüşünə çıxacaq. Zaqatala klubu Bakı vaxtı ilə saat 18.00-da Rumıniyanın "Astra" klubu ilə qarşılaşacaq. Görüş Antalyanın Lara bölgəsində yerləşən "Mirakle İdman Mərkəzi"nin stadionunda keçiriləcək.

Fanat.az

RƏYLƏR

BU KATEQORİYADAN DİGƏR XƏBƏRLƏR