Bakı, 21 iyun, AZƏRTAC
İyunun 21-də Milli Gimnastika Arenasında bədii gimnastika yarışlarının final mərhələsi başlayıb. Yarışlarda 6 dəst medal uğrunda mübarizə gedəcək.
Final mərhələsinə halqa, top, gürz və lent olmaqla 4 fərdi çıxış, lentlər, habelə gürzlər və halqalar olmaqla 2 qrup çıxışı daxildir.
Fərdi çıxışlarda Azərbaycanı Marina Durunda təmsil edir.
İlk olaraq lent ilə qrup çıxışı başlanıb. Bu yarışda İsrail, Almaniya, Rusiya, Ukrayna, İtaliya və İspaniya komandaları iştirak edirlər.