Ötən gün Türkiyə İstanbul şəhərinin Beyoğlu rayonunda cinsi azlıqlar (LGBT) “Ləyaqət yürüşü” adlı aksiya keçiriblər. ANS PRESS-in məlumatına görə, məşhur Taksim meydanı İstiklal prospektində keçirilən iznsiz aksiyaya polis göz yaşardıcı qaz və təzyiqli su ilə müdaxilə edib. Cümhuriyyət Xalq Partiyası (CHP) İstanbul millət vəkili Mahmud Tanal aksiyaçılara dəstək nümayiş etdirib. Belə ki, millət vəkili aksiyaçıları dağıtmağa çalışan Kütləvi müdaxilə avtomobilinin (TOMA) üstünə çıxaraq müdaxiləyə etirazını bildirib.

Cinsi azlıqların açdığı şüarlardan biri isə ölkə dindarlarının kəskin etirazı ilə qarşılanıb. LGBT-lər “Şabanla Rəcəbin sevgisinə Ramazan mane ola bilməz” yazılmış şüar açaraq müsəlmanlar tərəfindən müqəddəs qəbul olunan 3 ayları, həmin aylardan ramazan zamanı təhqir ediblər.

Qeyd edək ki, bir neçə gün əvvəl ABŞ-da eynicinslilərin nigahı qanuniləşmiş, Ağ ev isə led işıqlar vasitəsilə LGBT-lərin bayrağının rənginə bürünmüşdü.

İstanbulda yürüş keçirən LGBT-lər müsəlmanları təhqir etdilər (FOTO)