[ 23 Yanvar 2015 14:57 ]
Bakı. Məlahət Nəcəfova - APA. Azərbaycan, Türkiyə və Türkmənistan xarici işlər nazirlərinin növbəti üçtərəfli görüşü yanvarın 29-da keçiriləcək.
APA-nın xəbərinə görə, bu barədə Türkiyə Xarici İşlər Nazirliyi məlumat yayıb.
Elmar Məmmədyarov, Mövlüt Çavuşoğlu və Rəşid Meredovun budəfəki görüşü Türkmənistanda baş tutacaq.
Xatırladaq ki, bundan öncəki görüş 2014-cü ilin 26 may tarixində Bakıda keçirilib.
Bakı görüşündə regional layihələr, eləcə də enerji sahəsində əməkdaşlıq və enerji marşrutları müzakirə edilib.
