Bakı, 28 iyul, AZƏRTAC
Bakının qadınlardan ibarət “Lokomotiv” voleybol komandasının yeni baş məşqçisi müəyyənləşib.
AZƏRTAC xəbər verir ki, Çempionlar Liqası yarışlarında ölkəmizi təmsil edəcək “Lokomotiv”i Əlcəzair millisinin sabiq məşqçisi, italiyalı mütəxəssis Fransua Salvani çalışdıracaq.
Çempionlar Liqası yarışlarının qrup mərhələsində “Lokomotiv” Bakının “Azərreyl”, “Dinamo” (Kazan, Rusiya) və “Ştutqart” (Almaniya) komandaları ilə qarşılaşacaq.
