Azərbaycan, Bakı, 3 sentyabr /Trend, müxbir İlkin İzzət/
Bakıda 14 yaşlı oğlana qarşı soyğunçuluq etmiş 16 yaşlı yeniyetmə tutulub.
Bakı şəhər Baş Polis İdarəsindən (BŞBPİ) Trend-ə verilən məlumata görə, Səbail Rayon Polis İdarəsi Cinayət Axtarış Şöbəsi və 9-cu Polis Bölməsi əməkdaşlarının keçirdikləri əməliyyat-axtarış tədbirləri nəticəsində, avqustun 30-da saat 17:30 radələrində N.Rəfibəyli küçəsində Bakı şəhər sakini 2001-ci il təvəllüdlü Tamerlan Calalzadəyə zor tətbiq edərək 100 ABŞ dollarını soyğunçuluq yolu ilə talamaqda şübhəli bilinən Bakı şəhər sakini, 1999-cu il təvəllüdlü Fuad Hüseynov tutulub.
Məqalə müəllifi ilə əlaqə ünvanı: agency@trend.az
Bizi Twitter-dən izləyin: @trend_az
