x
Loading...
.

Bakıda qadınları soyan narkoman tutuldu - TƏFƏRRÜAT

Bakıda qadınları soyan narkoman tutuldu - TƏFƏRRÜAT
09:39 5 Sentyabr 2015
44 Ölkə
Ölkə mətbuatı
A- A+
.

Bakıda qadınlara qarşı çoxsaylı quldurluq əməllərində şübhəli bilinən şəxs tutulub.

 

Daxili İşlər Nazirliyi (DİN) mətbuat xidmətindən APA TV-yə verilən məlumata görə, Bakı Şəhər Baş Polis İdarəsinin Cinayət-Axtarış İdarəsi əməkdaşları tərəfindən həyata keçirilən əməliyyat nəticəsində Bakı şəhər sakini, əvvəllər məhkum olunmuş Əli Məlikov saxlanılıb. O, Bakı şəhərinin Nizami, Xətai və Sabunçu rayonlarında qadınlara qarşı zor tətbiq etməklə quldurluq hadisələri törətməkdə təqsirli bilinir.

 

Məlum olub ki, Əli Məlikov paytaxtın müxtəlif yerlərində əsasən yaşlı qadınları müəyyən edərək onları izləyib. O, insanların az olduğu yerlərdə, o cümlədən yaşayış binalarının dəhlizlərində əvvəlcədən hazırladığı və üzərində gəzdirdiyi küt alətlə qadınların baş və boyun nahiyələrinə xəsarət yetirərək öz cinayət əməllərini həyata keçirib.

 

Müəyyən edilib ki, Əli Məlikov bu ilin iyul ayı ərzində Nizami rayonu ərazisində paytaxt sakinləri Xanımqız Əhmədova, Aişə İsmayılova, Zemfira Ağabəyova və Şəhla Hüseynovaya xəsarət yetirərək, onların üzərində olan pul, mobil telefon və qızıl-zinət əşyalarını qarət edib.

 

Cinayətkar əməllərini Xətai və Sabunçu rayonlarında da davam etdirən Əli Məlikov eyni üsulla Gülümzər Həmzəyeva və Elmira Hüseynovaya da hücum edib və onlara maddi ziyan vurmaqla müxtəlif dərəcəli bədən xəsarətləri yetirib.

 

Əli Məlikov quldurluq yolu ilə ələ keçirdiyi qızıl-zinət əşyalarını paytaxtın müxtəlif zərgərlik dükanlarına satıb, pul əldə edərək narkotik vasitələrə olan tələbatını ödəyib.

 

Qeyd edək ki, Əli Məlikov əvvəllər Cinayət Məcəlləsinin 333-cü (hərbi hissəni və ya xidmət yerini özbaşına tərk etmə), və 234-cü (qanunsuz olaraq narkotik vasitələri və ya onların prekusorlarını hazırlama, istehsal etmə, əldə etmə, saxlama, daşıma, göndərmə və ya satma) maddələri ilə məhkum edilib.

 

Əli Məlikovun quldurluq əməlləri ilə bağlı müvafiq maddələrlə cinayət işi başlanılıb, araşdırma aparılır. Onun cinayət əməllərindən zərərçəkən başqa şəxslər varsa, bu barədə Daxili işlər Nazirliyinin “102” zəng mərkəzinə və ya Bakı şəhər Baş Polis İdarəsinə müraciət edə bilərlər.


Xəbərin orijinal ünvanı: http://news.lent.az/news/213563

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR