78 qadın dünyanın ən məşhur aktyorlarından biri, Hollivud ulduzu Çarli Şini məhkəməyə verməyə hazırlaşır. Qadınların dediklərinə görə, 50 yaşlı aktyor onları QİÇS-HİV virusuna yoluxdurub.
Milli.Az TMZ-yə istinadən bildirir ki, qadınların iddialarında o da vurğulanır ki, Çarli Şin onlara təcavüz edib, aldadıb.
Los-Ancelesin məşhur vəkillərindən birinin dediyinə görə, bu qadınların məhkəmə iddialarının hazırlanması ilə bağlı işlərə başlanıb.
Son iki ildə Çarli Şin Hollivuddakı malikanəsində ən azı 200 qadınla cinsi əlaqədə olub. Bu qadınların tam əksəriyyəti pornoaktrisalar və fahişələrdir.
Aktyorun "tərəf-müqabil"ləri arasında transseksuallar da vardı.
"Şin bizə heç vaxt deməmişdi ki, QİÇS virusuna yoluxub. O, ölümcül xəstəliyini sirr kimi gizlədirdi", - transseksuallardan biri FOX411-ə bildirib.
Sabiq pornoaktrisa Bri Olson isə deyib: "Çarli Şinlə 2011-ci illə görüşməyə başladıq. O, xəstə olduğunu gizlədirdi. Çarlinin QİÇS xəstəsi olduğunu biləndən sonra müayinə olundum. Tanrıya şükürlər olsun ki, məndə o xəstəlik tapılmadı", - B.Olson deyib.
Noyabrın 16-da NBC telekanalında Mett Loerin "Today" proqramına qatılan Çarli Şin bir neçə il əvvəl QİÇS-ə yoluxduğunu deyib: "Bu verilişə gəldim ki, etiraf edim: QİÇS xəstəsiyəm. Bunu anlamaq çox çətindir. Mənə 4 il əvvəl belə diaqnoz qoyulub. İndiyədək ylanız iki qadın xəstə olduğumu bilə-bilə mənimlə cinsi əlaqədə olub. Üstəlik, əlaqədə olduğum qadınlar xəstəliyim barədə məlumatlar yaymamaq üçün məndən pul qoparmağa çalışırdılar. O adamlara pul ödədim. Çox yox, amma yetərincə", - aktyor söyləyib.
Əsl ad və soyadı Karlos İrvin Esteves olan Çarli Şin "Vzvod", "Uoll Strit" və s. filmləri ilə məşhurlaşıb.
Milli.Az
