İranın Bakıdakı səfiri Azərbaycan xalqına başsağlığı verdi

İranın Bakıdakı səfiri Azərbaycan xalqına başsağlığı verdi
12:28 6 Dekabr 2015
23 Dünya
Ölkə mətbuatı
A- A+

Bakı. Təmkin Cəfərov - Trend:

İranın Azərbaycandakı səfiri Möhsin Pakayin “Günəşli” yatağının özülündə baş vermiş hadisə də insan itkiləri ilə bağlı Azərbaycan xalqına başsağlığı verib.

“Baş vermiş faciə ilə əlaqədar həlak olanların ailələrinə və yaxınlarına, bütün Azərbaycan xalqına öz adımdan və İran xalqı adından dərin hüznlə başsağlığı verir, yaralananlara şəfa diləyirəm”, səfir M.Pakayin Trend-ə açıqlamasında deyib.

M.Pakayin əlavə edib ki, baş verən qəzada itkin düşmüş şəxslərin tapılması məqsədi ilə İranın Astara və Ənzəli limanlarında aidiyyatı orqanları və eləcə də İranın daxili işlər nazirinin müavini və ölkənin böhran vəziyyətinin idarəedilməsi təşkilatının sədri İsmayıl Nəccarla əlaqə saxlayıb və İran tərəfindən aidiyyatı qurumlar itkin düşmüş şəxslərin tapılması üçün səfərbər olunublar.

O həmçinin İranın “Günəşli” yatağında yanğının söndürülməsi və digər lazımi köməyi göstərməyə hazır olduğunu bildirib.

Bizi Twitter-dən izləyin: @trend_az

RƏYLƏR

BU KATEQORİYADAN DİGƏR XƏBƏRLƏR