Qambiyanın prezidenti Yaya Camme ölkəsini İslam Respublikası elan edib.
APA-nın RİA Novosti agentliyinə istinadən verdiyi məlumata görə, bu barədə dövlət başçısının bəyanatında bildirilir.
“Bu gündən Qambiya – İslam dövlətidir”, Y.Cammenin bəyanatında deyilir. Bununla belə o vurğulayıb ki, ölkə vətəndaşları istədikləri dinə etiqad edə bilərlər.
1965-ci ilədək Böyük Britaniyanın müstəmləkəsi olan Qambiyada əhalinin 90% müsəlmandır.
Qeyd edək ki, indiyədək dünyada 4 İslam Respublikası mövcud idi: İran, Pakistan, Əfqanıstan və Mavritaniya.