Bakı. 25 dekabr. REPORT.AZ/ İndoneziya xüsusi xidmət orqanları ölkənin müxtəlif əyalətlərində apardığı reyd nəticəsində 2 nəfər kamikadze-terrorçunu həbs edib.
"Report" TASS-a istinadən xəbər verir ki, ümumilikdə isə beş günə 11 nəfər həbs edilib. Onlar Milad bayramı və Yeni il öncəsi terror aktları törədəcəyi şübhəsiylə güc strukturları tərəfindən saxlanılıb.
Hüquq-mühafizə orqanlarındakı mənbənin məlumatına görə, şübhəli şəxslər kilsələrə, polis bölmələrinə, eləcə də ölkənin silahlı qüvvələrinin komanda məntəqələrinə hücumlar hazırlayıb.