AEBA-nın İranın nüvə proqramına dair hesabatı dərc edilib
Atom Enerjisi üzrə Beynəlxalq Agentliyi (AEBA) İranın nüvə proqramına dair hesabatı dərc edib. APA-nın “Gazeta.ru”ya istinadən verdiyi xəbərə görə, bu barədə AEBA-nın saytında dərc edilmiş məlumatda bildirilir.
Təşkilatın baş direktoru Yukiya Amano sözlərinə görə, AEBA təsdiqləyir ki, İranın nüvə proqramına dair sazişin implementasiyası (praktiki icrası) üçün Tehran bütün tələbləri yerinə yetirib.
AEBA rəhbəri İran-AEBA münasibətlərinin yeni mərhələyə keçdiyini qeyd edərək, bunun bütün dünya ictimaiyyəti üçün mühüm məqam olduğunu vurğulayıb.
