A–
Bakı, 5 fevral, AZƏRTAC
Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilən “MediaMən – jurnalistika üzrə ustad təlimlərin təşkili layihəsi” çərçivəsində təlimlər keçirilib.
AZƏRTAC xəbər verir ki, layihənin əsas məqsədi gənclər və KİV sahəsində çalışan gənc media nümayəndələri üçün peşəkar media təlimləri və ustad dərslərin təşkil etməkdir.
Bakıda keçirilən təlimlərə jurnalistikaya həvəsi olan 20-dən çox gənc qatılıb, təlimlərdə jurnalistikaya dair bilik və bacarıqlar öyrədilib. Üç ay davam edən layihə boyunca iştirakçıları təlimlərdə əldə etdikləri bilik və bacarıqları www.mediaman.az saytı vasitəsi ilə tətbiq etmək imkanı qazanıblar.
Layihənin uğurlu icra olunmasında Azərbaycan Jurnalistlər Şəbəkəsi İctimai Birliyi və Gənclər üçün Təhsil Mərkəzi İctimai Birliyi təşkilati dəstək nümayiş etdirib.
