Bakı, 23 fevral, AzərTAc
Hövsan Olimpiya İdman Kompleksində gənclər arasında boks üzrə Azərbaycan birinciliyinə yekun vurulub.
Azərbaycan Boks Federasiyasından AzərTAc-a bildiriblər ki, yarışda respublikamızın müxtəlif şəhər və rayonlarını təmsil edən 177 idmançı qələbə uğrunda mübarizə aparıb.
Birincilikdə Ruslan Rüstəmov (49 kq), Elşən Qafarlı (52 kq), Sərxan Əliyev (56 kq), Elməddin İsmayılov (60 kq), Pərviz Quliyev (64 kq), Hüseyn Tanrıverdili (69 kq), Hacı Dilbazov (75 kq), Əli Qurbanov (81 kq) və Məhəmməd Abdullayev (91 kq-dan yuxarı) fəxri kürsünün ən yüksək pilləsinə qalxıblar.
Yarışın qalibləri noyabrda Polşada keçiriləcək gənclər arasında qitə birinciliyində çıxış edəcəklər.
