Bakı. 23 iyul. REPORT.AZ/ Yerevanda polis şöbəsini ələ keçirən şəxslər dörd girovdan ikisini azad edib.
Bu barədə "Report" "Panarmenian"a istinadən xəbər verir.
Ermənistanın "Gala TV" telekanalı silahlı qrupun ələ keçirdiyi polis şöbəsində "press-məntəqinin təşkil olunması" şərtilə bütün girovları buraxmağa hazır olduğu haqqında məlumat verib.
Daha iki polis - Ermənistan polis rəisinin müavini, polis general-mayoru Vartan Yeqizaryan və Yerevan üzrə polis idarəsinin rəis müavini, polis polkovniki Valeri Osipyan hələ də girov saxlanılır.