Bakı. 12 avqust. REPORT.AZ/ Mədəniyyət və turizm naziri Əbülfəs Qarayev Şəki şəhərində Şəki, Balakən, Qax, Oğuz və Zaqatala rayonlarından olan sakinləri qəbul edəcək.
Nazirliyin İnformasiya və ictimaiyyətlə əlaqələr şöbəsindən "Report"a verilən məlumata görə, qəbul avqustun 19-da saat 11:00-da Şəkinin S.Rəhman adına Şəki Dövlət Dram Teatrında keçiriləcək.
Vətəndaşlar nazirliyin elektron xidmətlər saytı (mct@mct.gov.az elektron poçt ünvanı, e-services. mct.gov.az) və telefon məlumat sistemi (qaynar xətt: 147 və ya (012) 493-55-21) vasitəsi ilə qəbula yazıla bilərlər.