Bakı. 11 oktyabr. REPORT.AZ/ Azərbaycan çempionu "Araz" bu gün futzal üzrə UEFA Kubokunun əsas mərhələsində ilk oyununu keçirəcək.
"Report"un məlumatına görə, 2-ci qrupun ilk oyununda rəqib Gürcüstanın Tbilisi Dövlət Universitetinin komandası olacaq.
Qarşılaşma Makedoniyanın paytaxtı Skopyedəki Boris Traykovski adına İdman Mərkəzində keçiriləcək. Matçın start fiti Bakı vaxtı ilə saat 19:30-da səslənəcək.
Qeyd edək ki, 2-ci qrupda "Araz" və Gürcüstanın Tbilisi Dövlət Universitetinin komandası ilə yanaşı Kosovanın "Feniks" və Makedoniyanın "Jelezarets" klubları da yer alıb. Azərbaycan təmsilçisi növbəti oyununu oktyabrın 12-də "Feniks"ə, bundan 2 gün sonra isə "Jelezarets"ə qarşı keçirəcək.