Bakı. 27 oktyabr. REPORT.AZ/ Suriyanın İdlib şəhərindəki məktəbin bombalanması nəticəsində 22 şagid və 6 müəllim həyatını itirib.
"Report" "RİA Novosti"yə istinadən xəbər verir ki, bu barədə BMT-nin Uşaq Fondunun (YUNİSEF) icraçı direktoru Entoni Layka məlumat yayıb.
O, hücum edən tərəfin adını açıqlamayıb.
Xatırladaq ki, Suriyanın şimal-qərbində yerləşən İdlib şəhəri 2015-ci ilin martında Bəşşar Əsəd rejiminə müxalif qrupların nəzarəti altındadır. BMT-nin məlumatına görə, 2011-ci ilin martından Suriyada davam edən silahlı qarşıdurma nəticəsində 220 mindən çox insan ölüb.