Braziliyada ənənəvi dini mərasimin keçirildiyi mağaranın uçması nəticəsində azı 10 nəfər həlak olub. Hadisə baş verən zaman mağarada 50 nəfər olub. Xilasedicilər ölənlərin sayının arta biləcəyini qeyd ediblər.
Kaza-da-Pedra mağarası “Bütün müqəddəslərin günü”nü qeyd edən xristianların ənənəvi ibadət yeridir. Dini mərasim əsasən mağaranın girişində keçirilsə də, insanların çoxu dua etmək və şam yandırmaq üçün içəri daxil olurlar.