Bu gün səhər saatlarında Bakının Yasamal rayonu ərazisində zəncirvari qəza baş verib.
Milli.Az Trend-ə istinadən bildirir ki, qəza səhər saat 09:20-də Bakı Beynəxalq Avtovağzalından "20 Yanvar" istiqamətində hərəkət edən yolda, Moskva prospektində qeydə alınıb.
Həmin istiqamətdə hərəkətdə olan "Mercedes-C Class" makralı avtomobil yüksək sürətlə hərəkət edərkən, yolun sürüşkən olması səbəbindən sürücü idarəetməni itirib. Nəticədə maşın keçidin səkisinə dəyərək hərəkətdə olan "Nexia" markalı avtomobilə çırpılıb. Daha sonra "VAZ-2107" markalı maşına dəyib. "VAZ-2107" markalı avtomobil isə "Opel" və digər "VAZ-2107" markalı maşına çırpılıb.
Hadisə nəticəsində "Mercedes-C Class" markalı maşında olan sərnişin yaralanıb. Avtomobillərə maddi ziyan dəyib. Qəza nəticəsində yolda avtomobil sıxlığı yaşanıb.
Milli.Az