Bakı. 18 noyabr.REPORT.AZ/ Azərbaycan Milli Elmlər Akademiyasında Regional Elmi Mərkəzinin, Təbiət Tarixi Muzeyinin, Torpaqşünaslıq və Aqrokimya İnstitutunun strukturu və işçilərinin say tərkibi təsdiq edilib.
"Report"un məlumatına görə, bununla bağlı AMEA Rəyasət Heyətinin bu gün keçirilən iclasında qərar qəbul olunub.
İclasda İnformasiya cəmiyyətinin inkişafına dair Dövlət Proqramının icrası ilə bağlı tədbirlər planı da təsdiqlənib.
II Azərbaycan Elm Festivalının nəticələri müzakirə edilib və nəticələr qənaətbəxş hesab edilərək qəbul edilib.