AFFA İntizam Komitəsinin bu gün keçirilən iclasında Topaz Premyer Liqasında çıxış edən klubların əvəzedici heyətləri arasında təşkil olunan ölkə çempionatının və I divizionda XIII turun oyunları ilə bağlı qərarlar qəbul olunub.
Fanat.Az xəbər verir ki, əvəzedicilərin çempionatının AZAL - “Sumqayıt” matçında qonaqların 4 futbolçusu sarı vərəqə ilə cəzalandığı üçün klub 400 manat cərimələnib. Oyunun 61-ci dəqiqəsində meydan sahiblərinin futbolçusu Elşad Manafov sonuncu ümid foluna görə birbaşa qırmızı vərəqə alaraq, meydandan kənarlaşdırıldığı üçün 1 oyun cəzalanıb, klub 100 manat cərimə olunub.
I divizionun “Ağsu” - “Şəmkir” matçının 80-cı dəqiqəsində qonaq komandanın azarkeşləri tərəfindən pirotexniki vasitələrdən istifadə edildiyi üçün klub 80 manat cərimə olunub.
“Qaradağ Lökbatan” - “Turan Tovuz” matçında meydan sahiblərinin 4 futbolçusu sarı vərəqə ilə cəzalandığı üçün klub 80 manat cərimə olunub.
Fanat.Az