Kolumbiyada baş verən dəhşətli təyyarə qəzasından sağ çıxan Braziliyanın "Şapekoense" klubunun futbolçusu Alan Ruşeldən yeni xəbər var.
Milli.Az qafqazinfo-ya istinadən xəbər verir ki, Kolumbiyanın "Somer" klinikasında müalicə olunan futbolçu artıq yeriməyə başlayıb. Yayılan videolarda onun durumunun yaxşı olduğu görüntülənib.
27 yaşlı futbolçu yayılan videogörüntüdə son durumu haqda danışıb: "Hər kəsi salamlayıram. Artıq sağalmaq üzrəyəm. Tezliklə Braziliyaya qayıdacam".
Qeyd edək ki, "Şapekoense"ni Kolumbiyaya aparan təyyarə Medelyin şəhərində qəzaya uğramışdı. Qəza nəticəsində təyyarədə olan 81 nəfərdən 77-si dünyasını dəyişmişdi.
Milli.Az
Videonu izləmək üçün şəklə klikləyin:
