Damladan yeni qalmaqal: "Aygün və Röya duet təklif eləsə..." - VİDEO

Damladan yeni qalmaqal: "Aygün və Röya duet təklif eləsə..." - VİDEO
15:24 17 May 2017
270 Digər
Ölkə mətbuatı
A- A+

 

”Azərbaycan şou-biznesində duet oxumaq istədiyim müğənni yoxdur”. Bu sözləri Lent.az-a açıqlamasında müğənni Damla deyib. O bildirib ki, bu günə qədər heç bir azərbaycanlı müğənni ilə duet oxumağı arzu etməyib: “Elə bir ifaçı yoxdur ki, onunla duet oxumağı arzulayım. Yalnız Azərbaycandan kənarda, türk və özbək estradasından olan bir müğənni ilə duet oxumaq istəyərdim. Məsələn, Ozerbek Nazarbekovla və Türkiyədə Nilufərlə duet oxuyardım”.

 

Müğənniyə ünvanladığımız ”Aygün və ya Röya ilə duet oxumaq istərdinmi?” sualına belə cavab verib: “Bu dəfə də yalan danışa bilməyəcəm. Nə zamansa ola bilər. Yəni onlardan duet təklifi alaramsa, məmnuniyyətlə qəbul edərəm”.

 

Damla “bəs özünüz Aygün və Röya”ya duet təklifi edərdinizmi? sualına cavabında isə deyib ki, onun belə fikri yoxdur: “Mən dedim axı, Azərbaycan estradasında elə bir ifaçı yoxdur ki, onunla duet oxumaq üçün səbirsizlənim”.

 

Damla bildirib ki, heç vaxt Türkiyə şou-biznesinə qatılmaz: “Heç bir zaman Türkiyədə tanınmaq üçün külli miqdarda pul xərcləmərəm. Hər kəs istəyər ki, ölkəsindən kənarda da tanınsın. Onlar bizim ölkəyə gəlib, ciblərinə pul yığıb gedirlər. Bizim ən böyük saraylarımızda konsert verirlər. Televiziyalarımız, saytlarımız onların qabağına qaçıb müsahibə alırlar. Biz niyə gedib onlara pul xərcləməliyik ki?”

 

İfaçı onu da əlavə edib ki, bizim məşhurlardan Türkiyədə tanınan yalnız Üzeyir Mehdizadədir: “Açıq deyim, 2-3 gün bundan qabaq Türkiyədə idim, orada Üzeyirin mahnısını eşitdim. Düşünürəm ki, orada Üzeyiri tanıyırlar. Mən onların Nilufərini, Funda ararını tanıdığım kimi, istərdim ki, onlar da bizim sənətçiləri tanısınlar”.  


Xəbərin orijinal ünvanı: http://news.lent.az/news/274794

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR