Bakı şəhəri yaxınlığında dəhşətli yol qəzası baş verib.
Milli.Az report.az-a istinadən bildirir ki, Abşeron rayonundan Novxanı qəsəbəsinə gedən yolda üç avtomobil toqquşub. İki ədəd Mercedes və VAZ 2106 markalı avtomobillərin toqquşması nəticəsində 5 nəfər ağır bədən xəsarətləri alıb. İki azyaşlı uşaq isə həlak olub.
1980-ci il təvəllüdlü Seyidov Mehman, 1988-ci il təvəllüdlü Seyidova Könül, 1992-ci il təvəllüdlü Mahmuzdazə Ləman, 1992-ci il təvəllüdlü Mahmudzadə Lamiyə və 1978-ci il təvəllüdlü Vəkilov Mehdixan ağır xəsarətlər alaraq xəstəxanaya çatdırılıb.
6 yaşlı Seyidova Gülçöhrə və 2 aylıq Seyidov Mehram dünyalarını dəyişiblər.
Dövlət Yol Polisi əməkdaşlarının verilən məlumata görə, qəzaya səbəb 50-CK-402 dövlət qeydiyyat nişanlı avtomobilin sürücüsü olub. Sözügedən avtomobili sərxoş sürücü idarə edib. O maşını yolun əks istiqamətinə çıxararaq hərəkət edirmiş. Bu zaman qəza baş verib.
Sərxoş sürücü artıq saxlanılıb.
Milli.Az
